រដ្ឋមន្រ្តីក្រសួងសាធារណៈការ និងដឹកជញ្ជូន និង អភិបាលខេត្តតាកែវ បានអញ្ជើញពិនិត្យទីតាំងសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ៣ ស្ថិតក្រោមអធិបតីភាព សម្ដេចតេជោ ហ៊ុន សែន

 តាកែវ៖ នៅរសៀលថ្ងៃអង្គារ ទី០១ ខែមីនា ឆ្នាំ២០២២នេះ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូន និង ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ព្រមទាំង ឯកឧត្តម លោកជំទាវ ប្រតិភូរាជរដ្ឋាភិបាល និងក្រសួងស្ថាបនពាក់ព័ន្ធ និងកងកម្លាំងសមត្ថកិច្ច ចម្រុះថ្នាក់ជាតិ ថ្នាក់ខេត្ត អាជ្ញាធរស្រុកពាក់ព័ន្ធ ជាច្រើនរូបបានអញ្ជើញចូលរួមពិនិត្យទីតាំងត្រៀម សម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ៣ មានប្រវែង ១៣៤,៤៨គីឡូម៉ែត្រ ចាប់ពីរាជធានីភ្នំពេញ (រង្វង់មូលចោមចៅ) ដល់ ក្រុងកំពត ស្ថិតក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាព្រឹកថ្ងៃទី០២ ខែមីនា ឆ្នាំ២០២២ ដែលនឹងប្រារព្ធធ្វើឡើងនៅនៅភូមិត្រាំខ្នា ឃុំសូរភី ស្រុកបាទី ខេត្តតាកែវ៕